Gürcüstanda ekologiya üzrə ombudsman institutu yaradıla bilər

Gürcüstanda ətraf mühitin mühafizəsi üzrə ombudsman institutu yaradıla bilər.

“Report”un yerli bürosu xəbər verir ki, bu məsələ Gürcüstanın ətraf mühitin mühafizəsi və kənd təsərrüfatı naziri Levan Davitaşvili və ekologiya sahəsində fəaliyyət göstərən təşkilatların nümayəndələri arasında keçirilən görüşdə müzakirə olunub.

Görüşdə ekologiya üzrə ombudsman institutunun strukturu və funksiyaları barədə fikir mübadiləsi aparılıb.

Qeyd edək ki, Gürcüstanda insan hüquqları üzrə ombudsmanla yanaşı, biznes və energetika ombudsmanları da fəaliyyət göstərir.