Yuxarı

Gürcüstanda azərbaycanlıların yaşadığı kənddə etiraz aksiyası keçirilib

Gürcüstanda azərbaycanlıların yaşadığı kənddə etiraz aksiyası keçirilib

Tbilisi. 13 dekabr. REPORT.AZ/ Gürcüstanın Marneuli rayonunun Kəpənəkçi kəndində ötən ayın əvvəlində xəstəxanada vəfat etmiş 17 yaşlı Emin İsmayılovun ailə üzvləri etiraz aksiyası keçiriblər.

“Report”un yerli bürosunun verdiyi xəbərə görə, bu barədə Gürcüstanın İctimai televiziyası məlumat yayıb.

E.İsmayılov noyabr ayının 4-də Rustavi-Qırmızı körpü avtomagistralında qəzaya düşüb. Onun atası bildirib ki, oğlu xəstəxanaya aparılarkən huşu özündə olub, xəstəxanada iki saatlıq əməliyyatdan sonra həkimlər onun öldüyünü bildiriblər.

Gəncin ailə üzvləri E.İsmayılovun ölməsində həkimləri günahkar hesab edirlər. Onlar faktla bağlı istintaqın aparılması və həkimlərin cəzalandırılmasını tələb ediblər, əks halda davamlı etiraz aksiyaları keçirəcəklərini bildiriblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi