Gürcüstanda 13 nəfər "donuz qripi"ndən ölüb

Bakı. 9 yanvar. REPORT.AZ/ Gürcüstanda ötən ay ərzində 13 nəfər A(H1N1) – "donuz qripi" virusundan dünyasını dəyişib.

“Report” RİA "Novosti"yə istinadən xəbər verir ki, bu barədə "Rustavi" teleşirkəti məlumat yayıb.

"H1N1 virusunun yayılması səbəbindən ölkənin bütün böyük klinikaları karantin elan edib. Tibb müəssisələri fövqəladə rejimdə fəaliyyət göstərir…son məlumatlara görə, laboratoriya şəraitində H1N1 virusuna 162 yoluxma halı qeydə alınıb, 13 vətəndaş ölüb, laborator şəraitində 10 ölüm halı təsdiq edilib", - deyə TV öz saytında məlumat yerləşdirib.

Daha əvvəl Gürcüstanda qripdən ölənlərin sayının 11 nəfər olduğu bildirilirdi.