Yuxarı

​Gürcüstan XİN Moskva ilə qondarma "Cənubi Osetiya" arasında imzalanan müqaviləni pisləyib

Nazirlik bunu beynəlxalq səviyyədə tanınan sərhədlərin süni yolla dəyişdirilməsi kimi dəyərləndirib

Bakı.19 fevral. REPORT.AZ/ Gürcüstan Xarici İşlər Nazirliyi (XİN) Rusiya ilə qondarma "Cənubi Osetiya Respublikası" arasında "dövlət sərhəd"i haqqında müqaviləni pisləyib.

"Report" Gürcüstan KİV-inə istinadən xəbər verir ki, XİN bununla bağlı bəyanat yayıb.

Bəyanatda nazirlik beynəlxalq ictimaiyyəti mövcud problemin həlli ilə əlaqədar tədbir görməyə çağırıb.

XİN Tsixinvali bölgəsinin Gürcüstanın ayrılmaz hissəsi olduğunu bir daha vurğulayıb.

"Xarici İşlər Nazirliyi bu faktı Gürcüstanın ərazi bütövlüyü və suverenliyinə qarşı növbəti fəaliyyət, eləcə də beynəlxalq səviyyədə tanınan sərhədlərin süni yolla dəyişdirilməsi kimi dəyərləndirir", - sənəddə bildirilib.

Xatırladaq ki, ötən gün Rusiya ilə qondarma "Cənubi Osetiya Respublikası" arasında "dövlət sərhədləri haqqında müqavilə" imzalanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi