Yuxarı

​Gürcüstan prezidenti parlament seçkilərinin vaxtını təyin edib

Marqvelaşvilinin imzaladığı sənəd ölkənin baş nazirinə göndərilib

Bakı. 3 iyun. REPORT.AZ/ Gürcüstan prezidenti Georgi Marqvelaşvili parlament seçkilərinin keçirilmə tarixinin oktyabrın 8-nə təyin olunması barədə fərman imzalayıb.

"Report" xəbər verir ki, bu barədə cümə günü prezidentin mətbuat katibi Eka Mişveladze məlumat verib.

Marqvelaşvili tərəfindən imzalanan sənədin artıq ölkənin baş nazirinə göndərildiyi bildirilir.

"Biz baş nazirdən qanunla nəzərdə tutulan tarixdə kontrassiqnasiya gözləyirik", — deyə Mişveladze söyləyib.

Qeyd olunur ki, baş nazirin prezidentin fərmanını imzalaması üçün 10 gün vaxtı var.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi