Ermənistana taxıl daşınmasında problem yaranıb

Gürcüstandan Ermənistana avtomobil yolu ilə taxıl daşınmasında ciddi problem yaranıb.

“Report” xəbər verir ki, məlumatı “Jamanak” yayıb.

Bildirilib ki, Gürcüstan tərəfi hər avtomobilə 44 ton deyil, 40 ton taxıl yüklənilməsini tələb edir. Ermənistan isə 44 ton yüklənilməsində israr edir.

Qəzet yazıb ki, Gürcüstan bu qərarı bir gecədə qəbul edib: “İndiyədək maşınlara 44 ton taxıl yüklənirdi”.