Yuxarı
    Bağlamaq

    Gümrünün meri: "Rusiya hərbi bazasının çıxarılmasına ehtiyac yoxdur"

    102 saylı hərbi baza komandanlığının da günahı var

    Bakı. 16 yanvar. REPORT.AZ/ "Rusiyanın Gümrüdəki hərbi bazasının çıxarılmasına ehtiyac yoxdur".

    "Report" Ermənistan KİV-inə istinadən xəbər verir ki, bunu yanvarın 16-da jurnalistlərə açıqlamasında Gümrü şəhərinin meri Samvel Balasanyan söyləyib.

    O, Rusiyanın Ermənistandakı 102 saylı hərbi bazasının qalıb-qalmaması məsələsinə belə münasibət bildirib: "Ruslar uzun illərdir buradadır. Mer kimi mən bu məsələyə yenidən baxılmasının tərəfdarı deyiləm. Cinayət baş verib. Bir-iki hadisəyə görə münasibətlərimizi ləkələmək lazım deyil".

    S.Balasanyan 102 saylı hərbi baza komandanlığının məsuliyyət daşıması ilə bağlı suala cavabında isə deyib: "Öz növbəsində komandanlığın da günahı var. Gümrü əhalisinin tələbi cinayətkarın cəzalandırılmasıdır. Hazırda istintaq aparılır".

    Xatırladaq ki, Rusiyanın Gümrüdəki hərbi bazasının müddətli əsgəri Valeri Permyakov bir ailənin 6 üzvünü qətlə yetirməkdə şübhəli bilinərək həbs edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi