Yuxarı
    Bağlamaq

    Gümrüdə 7 ermənini öldürdüyünə görə ömürlük həbs cəzası alan rus hərbçi cəzasını Rusiyada çəkəcək

    Rəsmi Moskva Valeri Permyakovun ömürlük cəza çəkəcəyini vəd edib və onun azadlığa buraxılmayacağına zəmanət verib

    Bakı. 18 may. REPORT.AZ/ Gümrüdə erməni ailəsinin 7 üzvünü öldürməkdə təqsirləndirilən Rusiyanın Ermənistandakı 102 saylı hərbi hissəsinin əsgəri Valeri Permyakov cəzasını Rusiyada çəkəcək.

    "Report" Ermənistan KİV-inə istinadən xəbər verir ki, məlumatı Ermənistanın Ədliyyə Nazirliyi yayıb. 

    İnformasiyaya əsasən, rəsmi Moskva Valeri Permyakovun ömürlük cəza çəkəcəyini vəd edib və onun azadlığa buraxılmayacağına zəmanət verib. 

    Qeyd edək ki, Ermənistan məhkəməsi ötən il avqustun 23-də V.Permyakova ömürlük həbs cəzası verib.

    Xatırladaq ki, Valeri Permyakov 2015-ci il yanvarın 12-də Gümrüdə bir erməni ailəsinin 7 üzvünü qətlə yetirməkdə şübhəli bilinirdi. Ermənistanın İstintaq Komitəsi bu fakt üzrə ayrıca cinayət işi açmışdı. Avqustun 13-də Rusiyanın 5-ci qarnizonunun Hərbi-Səyyar Məhkəməsi V.Permyakovu cəzasını ciddi rejimli cəzaçəkmə müəssisəsində çəkmək şərtiylə 10 il müddətinə azadlıqdan məhrum edib. O, Rusiya Federasiyası Cinayət Məcəlləsinin üç maddəsi - fərarilik, silah oğurluğu və qanunsuz silah saxlama maddələri üzrə təqsirli bilinib.

    Bundan sonra V.Permyakovun bir erməni ailəsinin 7 üzvünü qətlə yetirməsiylə bağlı cinayət işi baxılması üçün Ermənistan hüquq-mühafizə orqanlarına verilib. Ermənistan məhkəməsi Rusiya əsgərinə azadlıqdan ömürlük məhrumetmə cəzası verib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi