Yuxarı

Giresun Universitetinin keçmiş azərbaycanlı rektoru vəzifəsindən kənarlaşdırılıb

Ali təhsil müəssisəsinin 21 əməkdaşı barəsində araşdırma başlanıb

Bakı. 5 avqust. REPORT.AZ/ Türkiyənin Giresun Universitetinin keçmiş azərbaycanlı rektoru, professor, doktor Aygün Əttar müvəqqəti olaraq vəzifəsindən kənarlaşdırılıb. 

"Report" "Cumhuriyet"ə istinadən xəbər verir ki, ölkədə dövlət çevrilişi cəhdindən sonra Ali Təhsil Şurasının (YÖK) müraciəti əsasında aparılan istintaq tədbirləri çərçivəsində bu universitetin 21 əməkdaşı vəzifəsindən kənarlaşdırılıb və barələrində araşdırma başlanıb. Onların arasında azərbaycanlı professor da var. 

Qeyd edək ki, A.Əttar 4 il Giresun Universitetinin rektoru olub. O, bu ilin mart ayında ən yüksəs səs toplamasına baxmayaraq, ali təhsil müəssisəsinə rektor təyin edilməyib. A.Əttar vəzifəsindən kənarlaşdırılanadək Giresun Universitetinin Ədəbiyyat fakültəsinin tarix bölməsinin rəhbəri idi. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi