Ermənistanın XİN başçısı sentyabrda Cenevrəyə gedəcək

Bakı. 28 avqust. REPORT.AZ/ Ermənistanın xarici işlər naziri Zöhrab Mnatsakanyan sentyabrda Cenevrəyə (İsveçrə) gedəcək.

"Report" Ermənistan KİV-inə istinadən xəbər verir ki, bu barədə keçirdiyi brifinqdə Ermənistanın Xarici İşlər Nazirliyinin (XİN) mətbuat katibi vəzifəsini müvəqqəti icra edən Anna Naqdalyan məlumat verib.

"Zöhrab Mnatsakanyan İnsan Hüquqları Şurasının 39-cu iclasında iştirak etmək üçün sentyabrda Cenevrəyə səfər edəcək", - A.Naqdalyan bildirib.

Qeyd edək ki, İnsan Hüquqları Şurasının 39-cu sessiyası sentyabrın 10-28-də Cenevrədə keçiriləcək.