Bakı. 27 oktyabr. REPORT.AZ/ Ermənistanın valyuta ehtiyatı avqustla müqayisədə 20 milyon dollar azalaraq, bir milyard 625,5 miliyon dollar təşkil edib.
"Report" Ermənistan KİV-inə istinadən xəbər verir ki, bu haqda ölkənin Mərkəzi Bankı məlumat yayıb.
Məlumata görə, ötən ilin sentyabrında Ermənistanın valyuta ehtiyatı bir milyard 663 milyon dollar olub: "Bu ilin sentyabrında isə son 4 ilin ən aşağı göstəricisi qeydə alınıb. Cari il başlayandan valyuta ehtiyatının azalması davamlı xarakter daşıyır. İri obyektlərin satışı, beynəlxalq kreditlərin hesabına bu boşluq doldurulsa da, ümumi mənzərə dəyişmir".