Ermənistan İctimai Radiosunun icraçı direktoru istefa verməyə məcbur edilib

Bakı. 20 dekabr. REPORT.AZ/ Ermənistan İctimai Radiosunun icraçı direktoru Mark Qriqoryanı istefa verməyə məcbur ediblər.

“Report” “news.am”a istinadən xəbər verir ki, bu barədə o, “Facebook” səhifəsində yazıb.

“Onlar mənim otağıma soxulub istefa verməyimi tələb etdilər. Səbəbini soruşduqda “hamısı orada yazılıb” dedilər. Mən imzasız kağıza qol çəkməyəcəyimi söylədim. Sonra hay-küy səsləri eşitdim. Onlarla danışmağın mənasız olduğunu gördüm. Bütün bunlar mənə çox iyrənc göründü. Fiziki olaraq iyrəndim. Bir neçə saatdan sonra istefa ilə bağlı ərizəmi yazdım”, - deyə Mark Qriqoryan bildirib.