Yerevanda atışma olub, ordu zabiti yaralanıb

Yerevanda naməlum şəxsin açdığı atəş nəticəsində Ermənistan ordusunun zabiti yaralanıb.

“Report” “Novosti Armeniya”ya istinadən xəbər verir ki, hadisə aprelin 5-də səhər saatlarında baş verib. 

Yaralı zabitin və ona atəş açan şəxsin kimliyi açıqlanmayıb. Silahlı şəxsin 57 yaşı olduğu bildirilib. O, saxlanılıb və polis bölməsinə aparılıb. 1979-cu ildə anadan olan zabit isə xəsətəxanaya yerləşdirilib.

İstintaq Komitəsi hadisə ilə bağlı cinayət işi başlayıb.