Yuxarı
    Bağlamaq

    Ermənistan ordusunda kadr dəyişikliyi olub

    Vaxinak Sarkisyan Ermənistan Silah Qüvvələri Baş Qərargahının Kəşfiyyat idarəsinin rəisi vəzifəsindən azad edilib

    Bakı. 28 sentyabr. REPORT.AZ/ Ermənistan prezidenti Serj Sarqsyan orduda yeni təyinatlarla bağlı sərəncam verib.

    “Report” Ermənistan KİV-inə istinadən xəbər verir ki, Ermənistan Silahlı Qüvvələri Baş Qərargahının Əməliyyat idarəsinin rəisi, general-mayor Artak Davtyan tutduğu vəzifədən azad edilib.

    O, Müdafiə Nazirliyinin 5-ci korpusunun komandanı təyin olunub.

    Bundan başqa, general-mayor Artur Simonyan Ermənistan ordusunun Sülhməramlılar briqadasının komandiri vəzifəsindən azad edilib. S.Sarqsyanın sərəncamı ilə bu vəzifəyə polkovnik Vaxinak Sarkisyan təyin olunub. O, Ermənistan Silah Qüvvələri Baş Qərargahının Kəşfiyyat idarəsinin rəisi vəzifəsindən azad edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi