Ermənistan müxalifəti Yerevanda yenidən mitinqə başlayıb

Bakı. 30 aprel. REPORT.AZ/ Ermənistan müxalifətinin lideri Nikol Paşinyan parlament fraksiyalarının nümayəndələri ilə görüşdən sonra mitinqə gedib.

"Report" "İnterfaks"a istinadən xəbər verir ki, "Yelk" fraksiyasının rəhbəri və minlərlə tərəfdarı mitinq keçiriləcək yerə doğru yürüş edirlər.

Xatırladaq ki, mayın 1-də Ermənistan parlamentində baş nazir seçkiləri keçiriləcək. Hazırda N.Paşinyan yeganə namizəddir. Namizdəlik üçün müraciətin vaxtı saat 18:00-da başa çatır.