Yuxarı

Ermənistan Maliyyə Nazirliyində yanğın baş verib

Binanın 7-ci mərtəbəsində taxta konstruksiya, eləcə də 9 kabinet tamamilə yanıb

Bakı. 11 iyul. REPORT.AZ/ Ermənistan Maliyyə Nazirliyinin binasında yanğın meydana gəlib.

"Report" Ermənistan KİV-inə istinadən xəbər verir ki, yanğın nəticəsində binanın 7-ci mərtəbəsində taxta konstruksiya, eləcə də 9 kabinet tamamilə yanıb.

Yanğın barədə siqnal Ermənistan Fövqəladə Hallar Nazirliyinə dünən gecə gəlib. Hadisə yerinə 12 yanğınsöndürmə briqadası cəlb edilib.

Yanğın üçüncü kateqoriya mürəkkəbliyə aid edilib.

Yanğının söndürülməsi işinə Ermənistanın fövqəladə hallar naziri Armen Yeritsyan nəzarət edib.

Yanğın tamamilə söndürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi