Yuxarı

Ermənistan, İran, Gürcüstan, Bolqarıstan və Yunanıstan nəqliyyat dəhlizi yaratmaq niyyətindədir

Layihənin detallarını müzakirə etmək üçün iyulun 14-15-də Sofiyada görüş keçiriləcək

Bakı. 14 iyul. REPORT.AZ/ Ermənistan, İran, Gürcüstan, Bolqarıstan və Yunanıstan Qara dəniz və Fars körfəzini birləşdirəcək nəqliyyat dəhlizi yaratmaq niyyətindədir.

"Report" Ermənistan KİV-inə istinadən xəbər verir ki, bu barədə Ermənistan Nəqliyyat və Rabitə Nazirliyinin Nəqliyyat İdarəsinin rəis müavini David Melkonyan məlumat verib.

Onun sözlərinə görə, layihənin detallarını müzakirə etmək üçün iyulun 14-15-də Sofiyada görüş keçiriləcək.

D.Melkonyan, həmçinin görüşün bu səpkidə ikinci toplantı olacağını, ilk görüşün təxminən ay yarım əvvəl Tehranda keçirildiyini qeyd edib.

O, hələlik maliyyə məsələsinə toxunulmadığını da dilə gətirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi