Yuxarı

​Ermənistanda ruslar küçəyə çıxmağa qorxurlar

Gümrüdə ailəli hərbçilərin evdə gecələməsinə, subay hərbçilərin isə hərbi hissədə qalmalarına icazə verilib

Bakı. 17 yanvar. REPORT.AZ/ Rusiyalı hərbçi Permyakovun Ermənistanda bir erməni ailəsini qətlə yetirməsi səbəbindən yaranan etirazlar, gərginlik və antirus əhval-ruhiyyəsi ilə əlaqədar olaraq Gümrüdəki 102 saylı Rusiya hərbi bazası rəhbərliyi tabeliyində olanlara yerli sakinlərin gözünə görünməmək haqqında sərəncam verib.

"Report" xəbər verir ki, bu barədə Ermənistanın "Çorrord işxanutyun" qəzeti yazıb.

Sərəncama əsasən, yerli sakinlərin qəzəbindən qorunmaq məqsədi ilə, Gümrüdə ailəsi olan hərbçilərin evdə gecələməsinə, subay hərbçilərin isə hərbi hissədə qalmalarına icazə verilib.

Hərbçilərin şəhərdə gəzmələrinə, kafe və digər yerlərə getmələrinə ümumiyyətlə qadağa qoyulub. Qeyri-müəyyən müddətə Rusiya Federasiyası konsulluğunun himayəsi altında Gümrüdə fəaliyyət göstərən ümumtəhsil məktəbi bağlanıb.

Qəzetin yazdığına görə, bu günlərdə rus uşaqlarını küçələrdə, hətta rus məhəllələrində belə görmək mümkün deyil.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi