Bakı. 29 dekabr. REPORT.AZ/ Türkiyə Aviasiya Assosiasiyasının (TAA) 42-ci növbədənkənar qurultayında Vacit Ötkəm yeni sədr seçilib.
"Report" Türkiyə KİV-inə istinadən xəbər verir ki, V.Ötkəm qurumun ağır günlər yaşadığını, assosiasiyanın adının "rüşvət qalmaqallarında hallandığı"na diqqəti çəkib.
Qeyd edək ki, qurumun keçmiş sədri Osman Yıldırımın xanımı Sutan və oğlu Əmrə Yıldırımın adına şirkət açdığı iddiası irləi sürülmüşdü. Həmin iddiaya əsasən, keçmiş sədr, oğlu və daha 5 nəfər ötən ilin dekabrında həbs edilmişdi.
Xatırladaq ki, TAA 1925-ci il fevralın 16-da Atatürkün əmri ilə təsis edilib. Qurumun mərkəzi qərargahı Ankaradadır. Ölkə prezidenti, Nazirlər Kabineti qurumun qoruyucularındandır. Bundan başqa, prezident, baş nazir, silahlı qüvvələrin komandirləri assosiasiyanın təbii üzvlərindəndirlər.