Ərdoğan və Putin yanvarda Rusiyada danışıqlar aparacaq

Bakı. 6 yanvar. REPORT.AZ/ Türkiyə və Rusiya prezidentləri Rəcəb Tayyıb Ərdoğan və Vladimir Putin yanvarda Moskvada görüşəcək.

“Report” TASS-a istinadən xəbər verir ki, bu barədə bazar günü "Anadolu" agentliyi məlumat yayıb.

Onun məlumatına görə, iki ölkə lideri geniş məsələlər spektrini, eləcə də, Suriyadakı vəziyyət və Ankaranın Moskvadan S-400 zenit-raket kompleksləri alması ilə bağlı müqaviləni müzakirə edəcəklər.

Agentlik ötən il Ərdoğan və Putin arasında 7 şəxsi görüşün və 18 telefon danışığının olduğunu xatırladıb.