Ərdoğan Putinin Suriya böhranı üzrə xüsusi nümayəndəsi ilə görüşüb

Bakı. 31 may. REPORT.AZ/ Türkiyə prezidenti Rəcəb Tayyib Ərdoğan Ankarada Rusiya prezidetinin xüsusi nümayəndəsi Aleksandr Lavrentyevi qəbul edib.

"Report" "TRTHaber"ə istinadən xəbər verir ki, görüşdə Suriyadakı vəziyyət müzakirə edilib.

Qeyd edək ki, mayın 25-də Rusiya prezidentinin Suriya böhranı üzrə xüsusi nümayəndəsi Aleksandr Lavrentyev və ölkənin Xarici İşlər Nazirliyinin Orta Şərq və Şimali Afrika İdarəsinin müdiri Sergey Verşin Türkiyəyə səfər etmişdi.

Onlar Ankaradan əvvəl Suriyaya gedərək Dəməşqdə Bəşşar Əsədlə görüşmüşdülər.