Bakı. 17 oktyabr. REPORT.AZ/ "Ermənistanda hüquq-mühafizə orqanları ailə zorakılığına dair hər gün orta hesabla iki siqnal alır".
"Report" "Sputnik-Ermənistan"a istinadən xəbər verir ki, bunu bu gün parlamentdə Ermənistanın ədliyyə nazirinin müavini Viqen Koçaryan bildirib.
"Qətllərin 17%-i ailədə zorakılığın nəticəsidir. Yetkinlik yaşına çatmayanlara qarşı zorakılıqların 47%-i ailədə baş verir", - V.Koçaryan vurğulayıb.
Onun sözlərinə görə, dövlət orqanları zorakılığa məruz qalmış şəxslərə yardım məqsədilə Qeyri-Hökumət Təşkilatlarına müraciət etmək məcburiyyətində qalırlar: "Bu normal hal ola bilməz. Dövlət bu problemi həll etmək üçün tədbirlər görməlidir".