Yuxarı
    Bağlamaq

    Gürcüstanda “donuz qripi”nə qarşı dərman vətəndaşlara pulsuz veriləcək

    Tbilisi. 11 yanvar. REPORT.AZ/ Gürcüstanda A (H1N1) virusuna (“donuz qripi”) qarşı “Tamiflu” dərman preparatı əhaliyə pulsuz veriləcək.

    “Report”un yerli bürosunun verdiyi xəbərə görə, bu təşəbbüslə Gürcüstanın Baş naziri Mamuka Baxtadze və hökumət çıxış edib.

    Təşəbbüsə əsasən, dərman vasitəsi yanvarın 12-dən etibarən yalnız risk qrupuna daxil olan vətəndaşlara deyil, bütün vətəndaşlara ödənişsiz təqdim olunacaq.

    Gürcüstanın ictimai sağlamlıq mərkəzləri ilə yanaşı, 24 saat işləyən poliklinikalar da dərmanın paylanılmasında iştirak edəcəklər. Həkimlər yalnız pasiyentin diaqnozu təsdiq olunandan sonra dərmanı vermək hüququna malik olacaqlar.

    Bundan başqa, apteklərin satış üçün əldə etdiyi “Tamiflu” dərman preparatlarının ehtiyatlarını Gürcüstanın Məcburi Köçkünlər, Səhiyyə və Sosial Müdafiə Nazirliyi satış qiymətinə alacaq.

    Bu vaxta qədər “Tamiflu” dərman vasitəsi ödənişsiz olaraq həkim resepti əsasında yalnız risk qrupunda olan sosial təminatsız, təqaüdçülər, hamilə qadınlar, xroniki xəstəlikləri olan şəxslərə verilirdi.

    Xatırladaq ki, bu günə qədər Gürcüstanda 14 nəfər “donuz qripi”ndən ölüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi