Bakı. 22 yanvar. REPORT.AZ/ Davosda Dünya İqtisadi Forumu çərçivəsində keçirilən "Türkiyənin qlobal rolu" mözvusundakı xüsusi sessiyada çıxış edən Türkiyənin Baş naziri Əhməd Davutoğlu bildirib ki, dünya ictimaiyyəti terrorçu İŞİD təşkilatına qarşı göstərdiyi həmrəyliyi, PKK əleyhinə nümayiş etdirmək istəmir.
"Biz, terrorçular arasında fərq qoymuruq. Çünki bu təşkilatlar dünyanın hər yerində - İraqda, Suriyada, Fransada, Türkiyədə və s. günahsız insanları qətlə yetirirlər", - deyə Davutoğlu vurğulayıb.
Onun sözlərinə görə, rəsmi Ankara İŞİD-lə müharibə məqsədi ilə İraqın Mosul regionunda da "ciddi addımlar atır". "Bu addımlar hesabına İraqın bu rayonunda terrorçuların qarşısı alınır", - deyə hökumət başçısı qeyd edib.