Baş nazir: “Gürcüstanda infrastruktur layihələrin maliyyələşdirilməsi 20 faiz artıb”

“Bu il Gürcüstanda infrastruktur layihələrin maliyyələşdirilməsi 20 faiz artıb”.

“Report”un yerli bürosu xəbər verir ki, bu barədə Gürcüstanın baş naziri Mamuka Baxtadze dövlət tərəfindən bölgələrdə həyata keçirilən layihələrə həsr olunan təqdimat mərasimində bildirib.

Onun sözlərinə görə, regionların inkişafına hökumət xüsusi diqqət ayırır: “Güclü regionlar güclü Gürcüstan deməkdir. Buna görə də bölgələrin inkişafı hökumətimizin ən vacib prioritetlərindən biridir”.

M.Baxtadze qeyd edib ki, 2019-cu ildə Gürcüstanda infrastruktur layihələrin həyata keçirilməsinə ayrılan vəsait ölkənin müstəqillik tarixində bu sahəyə ayrılmış ən böyük həcmli vəsaitdir.