Yuxarı

Aram Manukyan: "2016-cı ildə Ermənistanı 60 min insan tərk edib"

Aram Manukyan: "2016-cı ildə Ermənistanı 60 min insan tərk edib"
Erməni deputatı: Təəssüf ki, hakimiyyət 2 aprel hadisələrindən heç bir dərs götürmədi

Bakı. 7 yanvar. REPORT.AZ/ "Ötən il Ermənistanı 60 min nəfər tərk edib. Bu rəqəmlər əvvəlki ilin göstəricilərindən çoxdur".

"Report" xəbər verir ki, bu sözləri "News.am" agentliyinə Ermənistan parlamentindəki Erməni Milli Konqresi fraksiyasının katibi Aram Manukyan deyib.

Onun fikrincə, 60 min insanın ölkəni tərk etməsi 2016-cı ildə Ermənistan üçün ən böyük itkidir. "Həmçinin 2 aprel hadisələri ilin ağrılı səhifəsi oldu. Təəssüf ki, hakimiyyət bundan heç bir dərs götürmədi" – deyə deputat bildirib.

Aram Manukyan qeyd edib ki, Ermənistan Polisinin PPX alayının ərazilərinin bir qrup insan tərəfindən nəzarətə götürülməsi düşüncəsiz addım idi. Amma hər halda o xalq etirazının dalğası oldu.

"2016-cıda həmçinin yeni hökumət formalaşdırılmışdı, hansı ki, əvvəlcə ümid cücərtiləri oyatdı. Lakin insanları çox tez məyus etdi. Bu Hökumət heç özünü də arxayın etməyən büdcəni təqdim etd. Bu son 25 il ərzində ən pis büdcədir. Həmçinin nə pensiya, nə də maaşlar artırılıb", - deyə deputat qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi