Yuxarı

Almaniya Gürcüstanın enerji sektoruna 8 mln. avrodan çox qrant ayıracaq

​Almaniya Gürcüstanın enerji sektoruna 8 mln. avrodan çox qrant ayırac

Almaniya Yenidənqurma Bankı (KFW) Gürcüstanın enerji sahəsində həyata keçiriləcək islahatların dəstəklənməsinə 8 mln. 440 min. avro həcmində qrant ayıracaq.

“Report”un yerli bürosu xəbər verir ki, müvafiq sazişi Gürcüstanın iqtisadiyyat və davamlı inkişaf nazirinin müavini David Tvalabeişvili və KFW-nin Cənubi Qafqaz üzrə regional ofisinin direktoru Kalaus Vigel imzalayıb.

Sənədə əsasən, ayrılacaq vəsait enerji effektivliyi, bərpa olunan enerji mənbələri, qanunvericiliyin təkmilləşdirilməsi kimi müxtəlif sahələrin dəstəklənməsinə yönəldiləcək.

D.Tvalabeişvili bildirib ki, KFW-nin dəstəyi enerji sektorunda planlaşdırılan islahatlar baxımından vacib məqsədlərə çatmaq üçün çox faydalı olacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi