Abxaziyada silah anbarında partlayış olub

Bakı. 2 avqust. REPORT.AZ/ Gürcüstanın separatçı regionu Abxaziyada silah anbarında partlayış baş verib.

"Report" xəbər verir ki, hadisə regionun Qudaut rayonunda baş verib. Hadisə nəticəsində 30 nəfərə yaxın adam xəsarət alıb. Separatçı regionun "səhiyyə nazirliyi"nin məlumatına görə, hadisə nəticəsində rusiyalı turistlər də xəsarət alıblar. Anbarın yaxınlığında yaşayış evləri olub. Bu evlərdə adətən turistlər məskunlaşırlar.