Vladimir Zelenski İranda baş verən aviaqəzaya görə Omana səfərini yarımçıq qoyub

Ukrayna Prezidenti Vladimir Zelenski Tehranda Ukrayna təyyarəsinin qəzaya uğramasına görə Omana səfərini yarımçıq qoyaraq Kiyevə qayıdır.

"Report" RİA “Novosti”yə istinadən xəbər verir ki, bu barədə Ukrayna dövlət başçısı Aparatının mətbuat xidməti məlumat yayıb.

"Ukrayna Prezidenti Vladimir Zelenski Tehranda MAU aviaşirkətinə məxsus təyyarənin qəzaya uğraması səbəbi ilə Omana səfərini təcili olaraq yarımçıq qoyub və Kiyevə qayıdır", - mətbuat xidmətinin “Facebook” səhifəsindəki məlumatında deyilir.