Volodimir Zelenski Ali Baş Komandan Qərargahının iclasını keçirib

Ukrayna Prezidenti Volodimir Zelenski Ali Baş Komandan Qərargahının növbəti iclasını keçirib.

“Report” Ukrayna mətbuatına istinadən xəbər verir ki, bu barədə Ukrayna Prezident Ofisinin Mətbuat Xidməti məlumat yayıb.

İclasda Ukrayna ərazilərinin işğaldan azad edilməsi planı nəzərdən keçirilib.

Bundan başqa, qoşun komandirləri cəbhədəki vəziyyətlə bağlı təqdimatlarla çıxış ediblər.

Ali Baş Komandan Qərargahının üzvləri Ukrayna ordusunun silah-sursatla təmin olunması məsələsinə də baxıblar.