Yerevanda lombardçılar yenidən aksiya keçiriblər

Ermənistanda lombard və valyutadəyişmə məntəqələrinin işçiləri hökumət binasının qarşısında yenidən etiraz aksiyası keçiriblər.

“Report” “Novosti Armeniya”ya istinadən xəbər verir ki, aksiya iştirakçıları “Dövlət rüsumu haqqında” qanuna dəyişiklik olunmasını tələb ediblər.

Bu qanunda dövlət rüsumu 60 dəfə, yaxud 6 000 faiz artırılıb. 

Aksiya iştirakçıları əllərində “Bizi işsiz qoymayın!”, “Belə ölkə qurmaq olmaz!” kimi şüarlar yazılan plakatlar tutublar.

Qeyd edək ki, martın 11-də Yerevanda lombard və valyutadəyişmə məntəqələrinin əməkdaşları etiraz aksiyası keçiriblər.