XİN başçısı: “Gürcüstan və Rusiya arasında aviauçuşların bərpası düzgün addım olardı”

“Gürcüstan və Rusiya arasında aviauçuşların bərpa edilməsi düzgün istiqamətdə atılan addım olardı”.

“Report”un yerli bürosu xəbər verir ki, bu barədə Gürcüstanın xarici işlər naziri David Zalkaliani bildirib.

Onun sözlərinə görə, uçuşlara qoyulan qadağanın aradan qaldırılmasına ehtiyac var.

XİN başçısı qeyd edib ki, Gürcüstan aviauçuşların bərpa olunmasını yalnız alqışlaya bilər.

Qeyd edək ki, Rusiyanın “İzvestiya” nəşri iki ölkə arasında aviauçuşların 2020-ci ilin birinci yarısında aradan qaldırıla biləcəyini yazıb.

Rusiya ilə Gürcüstan arasında birbaşa uçuşlar bu ilin iyulun 8-dən etibarən dayandırılıb.