ÜST Ukraynaya humanitar yardım göndərib

Ümumdünya Səhiyyə Təşkilatı (ÜST) Ukraynaya 36 ton humanitar yardım göndərib.

“Report” xəbər verir ki, bu barədə ÜST-nin tviter səhifəsində paylaşım edilib.

“Bu, sadəcə qutular deyil, bunlar insanların həyatını xilas edir. Bunlar ÜST-nin Ukraynadan olan minlərlə qaçqınlar üçün həyati əhəmiyyətli tibbi ləvazimatlarıdır. Varşavaya çatdırılmış 36 tonluq yük Polşa sərhəddi vasitəsilə Ukraynanın qərbində yerləşən Lvov şəhərinə aparılacaq”, - paylaşımda deyilir.