Ukraynada koronavirusa yoluxanların sayı yenidən artır

“Ötən sutkada 666 nəfər koronavirusa yoluxub, onlardan 52-si uşaqdır, həmçinin yoluxanların arasında 63 səhiyyə işçisi də var”.

“Report” “RBK-Ukraina”ya xəbər verir ki, bunu brifinqdə ölkənin Səhiyyə naziri Maksim Stepanov deyib. 

Nazirin sözlərinə görə, eyni dövr ərzində 11 nəfər virusun qurbanı olub, 275 nəfər sağalıb.

Beləliklə, Şərqi Avropa ölkəsində indiyədək 32 476 nəfərdə COVID-19 aşkarlanıb. Onlardan 912 nəfər ölüb, 14 528 nəfər isə sağalıb.

Koronavirus pandemiyasının yenidən alovlanması ilə əlaqədar ölkədə karantin rejiminin sərtləşdirilməsi gözlənilir.