Ukraynada koronavirusa yoluxanların sayı 4 100-ü ötdü

Ukraynada daha 8 nəfər koronavirusun qurbanı olub.

“Report” xəbər verir ki, bunu ölkənin Səhiyyə Nazirliyi açıqlayıb.

Məlumata görə, Şərqi Avropa ölkəsində virusdan ölənlərin sayı 116-ya yüksəlib.

Bundan başqa, Ukraynada qeydə alınan koronavirus hallarının sayı 397 nəfər artaraq 4 161-ə çatıb.

Bildirilir ki, koronavirusdan sağalanların sayı isə 186-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 2 084 000-i ötüb. Bunların 515 147 nəfəri sağalıb, 134 669 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.