Ukraynada bir gündə 2 400-dən çox yoluxma qeydə alınıb

Ukraynada son sutkada 2 438 nəfərə COVID-19 diaqnozu qoyulub. Bu, gündəlik qeydə alınan rekord artımdır.

“Report” xəbər verir ki, bunu Milli Təhlükəsizlik və Müdafiə Şurası açıqlayıb.

Məlumata görə, eyni dövr ərzində ölkədə 48 nəfər pandemiyanın qurbanı olub, 866 nəfər isə virusdan sağalıb.

Beləliklə, Şərqi Avropa ölkəsində indiyədək 114 497 nəfərdə koronavirus aşkarlanıb. Onlardan 55 083 nəfər sağalsa da, 2 451 nəfər vəfat edib.

Qeyd edək ki, Ukrayna postsovet məkanında Rusiyadan sonra koronavirusun ən geniş yayılmış ölkəsidir.