Ukrayna XİN Macarıstan konsulunu “arzuolunmaz şəxs” elan edib

Bakı. 4 oktyabr. REPORT.AZ/ Rəsmi Kiyev Macarıstanın Ukraynanın Bereqovo şəhərindəki konsulu Matyaş Siladini “aruzolunmaz şəxs” (“persona- non qrat”) elan edib.

“Report” xəbər verir ki, bunu Ukraynanın Xarici İşlər Nazirliyindən bildiriblər.

Qeyd edək ki, qeyri-rəsmi məlumata görə, Macarıstan Ukraynanın qərbində yaşayan Ukrayna vətəndaşlarına Macarıstan vətəndaşlığına dair pasport verirmiş. Bu, iki ölkə arasında diplomatik qalmaqala səbəb olub. Konsulun “arzuedilməz şəxs” elan edilməsinin də bununla bağlı olduğu istisna deyil. 

Xatırladaq ki, Bereqovo şəhəri Ukraynanın qərbində - Karpatı bölgəsində yerləşir. Macarıstanın Kiyev və Ujqorod şəhərlərində də konsulluğu fəaliyət göstərir.