Bakı. 20 oktyabr. REPORT.AZ/ Türkmənistanda 2022-ci ildə əhalinin və yaşayış fondunun ümumi siyahıya alınması keçiriləcək.
“Report” “CA-NEWS” istinadən xəbər verir ki, bu barədə Türkmənistanın dövlət informasiya agentliyi məlumat yayıb.
Siyahıya alınma BMT-nin İqtisadiyyat və Sosial Şurasının 2015-ci il iyunun 10-da qəbul etdiyi “Əhalinin siyahıya alınması və 2020-ci ildə yaşayış fondu ümumdünya proqramı” qətnaməsi çərçivəsində həyata keçiriləcək. Bunun üçün dövlət komissiyasının yaradılması nəzərdə tutulub.
Qeyd edək ki, rəsmi statistikaya əsasən, hazırda Türkmənistan əhalisinin sayı 5 milyon 663 min nəfərdir.