Türkiyənin milli müdafiə naziri terrorçulara xəbərdarlıq edib

Türkiyənin milli müdafiə naziri Yaşar Gülər PKK terrorçularına xəbərdarlıq edib.

“Report” xəbər verir ki, o, bu barədə şəhid ailələri və qazilərlə iftar proqramında çıxışı zamanı deyib.

O xatırladıb ki, fevralın 27-də yayılan bəyanatla terror təşkilatları silahı buraxmaq və özlərini ləğv etməklə bağlı təlimat alıb: “Həmin müraciəti diqqətlə araşdırırıq. Mətndə olmayan bəzi məqamlar, o cümlədən atəşkəslə bağlı iddialar gündəmə gətirilir, ictimai rəy çaşdırmağa cəhd edilməməlidir. Bunu açıq şəkildə deyirəm: təxribata icazə verilməyəcək, təmkinli, ağıllı mövqe ortaya qoyulacaq”.