Türkiyədə sel nəticəsində iki nəfər ölüb, dörd nəfər itkin düşüb - YENİLƏNİB

Türkiyənin Kırıkkale rayonunda güclü yağışların səbəb olduğu sel nəticəsində iki nəfər ölüb, daha dördü itkin düşüb.

“Report” xəbər verir ki, bu barədə NTV məlumat yayıb.

Şiddətli yağış səbəbindən rayonda dərələr daşıb, bəzi yollar bağlanıb. İtkin düşənlərin axtarışı davam edir.

17:21

Türkiyənin Kırıkkale rayonunda güclü yağışların səbəb olduğu sel nəticəsində 5 nəfər itkin düşüb.

“Report” xəbər verir ki, bu barədə Türkiyə KİV-i məlumat yayıb.

Məlumata görə, çoxlu sayda ev su altında qalıb.

İtkin düşənlərin axtarışı davam edir. Onlardan biri uşaqdır.