Türkiyədə ticarət mərkəzləri, bərbərxana və gözəllik salonlarının işi bərpa olunur

Mayın 11-dən Türkiyədə ticarət mərkəzlərinin (AVM) fəaliyyəti bərpa ediləcək. 

"Report" xəbər verir ki, bu barədə Türkiyə prezidenti Rəcəb Tayyib Ərdoğan keçirdiyi brifinqdə məlumat verib.

Dövlət başçısı bərbərxana və gözəllik salonlarının da işləyəcəyini bildirib. 

Ərdoğan həmçinin vurğulayıb ki, ölkənin 31 vilayətindən 7-də şəhər və rayonlararası giriş-çıxışlara qoyulmuş məhdudiyyətlər bu gecədən aradan qaldırılır: "Bunlar Antalya, Aydın, Ərzurum, Hatay, Malatya, Mersin və Muğladır. Ancaq digər 24 vilayətdə şəhər və rayonlararası giriş-çıxışlara qoyulmuş məhdudiyyətlər 15 gün müddətinə uzadılıb".