Türkiyədə terrorçularla əlaqəli olmaqda şübhəli bilinən 9 nəfər saxlanılıb

Türkiyədə İŞİD ekstremist qruplaşması ilə əlaqəli olmaqda şübhəli bilinən şəxslərin saxlanılması əməliyyatı çərçivəsində 9 əcnəbi yaxalanıb.

Bu barədə “Report” Türkiyə mətbuatına istinadən məlumat verir.

Reydlər İstanbulun 11 rayonunda aparılıb.

Hüquq-mühafizə orqanları saxlanılan şəxslərin müxtəlif silahlı münaqişələrdə iştirak etdiyini, həmçinin İŞİD və “Əl-Qaidə” terror təşkilatları ilə əlaqəli olduğunu müəyyən edib.