Türkiyədə miqrantları daşıyan mikroavtobus qəzaya uğrayıb, ölən və yaralananlar var

Türkiyədə ağır yol qəzası olub.

Bu barədə “Report” “Haber Global”a istinadən xəbər verir.

Məlumata görə, hadisə Van vilayətində qeydə alınıb. Gevaş rayonunda qanunsuz miqrantları daşıyan mikroavtobusun minik avtomobili ilə toqquşması nəticəsində 1 nəfər ölüb, daha 13 nəfər yaralanıb.

Mikroavtobusun sürücüsü qəzadan sonra hadisə yerindən qaçıb. Onun saxlanılması üçün əməliyyat tədbirlərinə başlanılıb.

Hadisə yerinə təcili yardım, polis əməkdaşları və xilasedicilər cəlb edilib. Yaralılar xəstəxanalara çatdırılıb.