Türkiyədə iki avtomobil toqquşub, 5 nəfər ölüb, 10 nəfər yaralanıb

Bakı. 14 may. REPORT.AZ/ Türkiyənin Ərzurum bölgəsində iki avtomobilin toqquşması nəticəsində biri uşaq olmaqla 5 nəfər ölüb, 10 nəfər yaralanıb.

“Report” DHA-ya istinadən xəbər verir ki, hadisə yerinə çox sayda təcili tibbi yardım briqadası və Fövqəladə Hallar Təşkilatının əməkdaşları cəlb edilib.

Hadisə Ərzurumun Çat rayonu ilə Bingölünün Karlıova rayonu arasında yerləşən Köseler kəndində baş verib.