Türkiyədə Çeçenistanın Federal Miqrasiya Xidməti İdarəsinin keçmiş rəisinin qızı İŞİD-lə əlaqəsinə görə saxlanılıb

Bakı. 20 iyul. REPORT.AZ/ Türkiyədə İŞİD terror qruplaşması ilə əlaqədə şübhəli bilinən 5 nəfər saxlanılıb.

“Report” TASS-a istinadən xəbər verir ki, bu barədə "Daily Sabah" qəzeti yerli hakimiyyət orqanlarına istinadən məlumat verib.

Bildirilir ki, saxlanılanlar arasında Çeçenistanın Federal Miqrasiya Xidməti İdarəsinin keçmiş rəisi olan Asu Dudurkayevin qızı da var. 

Qeyd olunur ki, 2013-ci ilin noyabrında Çeçenistanın başçısı Ramzan Kadırov Dudurkayevi məhz onun qızının Suriyada terrorçularla əlaqədə olması səbəbindən vəzifəsindən azad etmişdi.