Türkiyədə avtobus qəzaya uğrayıb, 25 nəfər yaralanıb

Türkiyənin Kayseri şəhərində sərnişin avtobusu qəzaya uğrayıb.

“Report” “CNN Türk”ə istinadən xəbər verir ki, hadisə nəticəsində 25 nəfər yaralanıb.

Onlardan 3-nün durumu ağırdır.

Məlumata görə, yağışlı havada sürücü idarəetməni itirib və nəticədə qəza baş verib.

Hadisə yerinə polis və təcili tibbi yardım briqadaları cəlb olunub.