Türkiyədə 43 qanunsuz miqrant saxlanılıb

Türkiyənin İzmir vilayətinin Urla rayonu sahillərində 43 qanunsuz miqrant saxlanılıb.

"Report" xəbər verir ki, bu barədə Sahil Mühafizəsi Komandanlığı məlumat yayıb.

Qeyd olunur ki, Sahil Mühafizəsinə məxsus pilotsuz uçuş aparatı tərəfindən Urla sahillərində rezin qayıqda bir qrup qanunsuz miqrant aşkar edilib.

Mühafizə xidmətinin əməkdaşları tərəfindən saxlanılan qayıqda 7-si uşaq olmaqla 43 qanunsuz miqrant olub. Onların hansı ölkənin vətəndaşları olduqları açıqlanmır.

Hadisə ilə əlaqədar bir şübhəli jandarm əməkdaşları tərəfindən miqrant qaçaqmalçılığı ittihamı ilə saxlanılıb.