Türkiyə ilin sonuna qədər kosmik agentlik yaratmağı planlaşdırır

Bakı. 7 avqust. REPORT.AZ/ Türkiyə hökuməti 2018-ci ilin sonunadək ölkə ərazisində öz kosmik agentliyini yaratmaq niyyətindədir.

"Report" "Anadolu"ya istinadən xəbər verir ki, bu barədə Türkiyənin sənaye və texnologiya naziri Mustafa Varank bildirib.

O qeyd edib ki, yeni qurum bu ilin sonuna qədər yaradılacaq, bundan sonra onun strukturunun formalaşdırılması üzrə sürətləndirilmiş prosesi başlayacaq.

Nazirin sözlərinə görə, agentlik təkcə kosmik texnologiyalar sahəsində Türkiyədə həyata keçirilən layihələri koordinasiya etməyəcək, həm də BMT çərçivəsində bu sahədə beynəlxalq əlaqələri inkişaf etdirəcək.