Türkiyə artilleriyası İraqda terrorçulara zərbələr endirib

Türkiyə Silahlı Qüvvələrinin artilleriya ekipajları İraqın şimalında "Pençe-Kaplan" əməliyyatı zonasında PKK terrorçularının hədəflərinə zərbələr endirib.

"Report" xəbər verir ki, bu barədə Türkiyə Milli Müdafiə Nazirliyi məlumat yayıb.

Məlumata görə, əməliyyat zamanı iki terrorçu zərərsizləşdirilib.

Nazirlik İraqda terrorçulara qarşı mübarizənin davam etdiyini vurğulayıb.