"Telegram"da İranın ali liderinin rəsmi kanalı bağlanıb

Bakı. 18 aprel. REPORT.AZ/ İranın ali lideri, ayətullah Əli Xaməneinin "Telegram" mesencerindəki rəsmi kanalı bağlanıb.

"Report" "İnterfaks"a istinadən xəbər verir ki, "Telegram" istifadəçilərinə A.Xaməneinin rəsmi bəyanatlarını İran istehsalı olan "Soroush" və "Gap" mesencerlərindən oxumağı təklif edir.

"Milli maraqların müdafiəsi və "Telegram" şəbəkəsindəki inhisara qarşı mübarizə məqsədilə İranın ali liderinin bu şəbəkədəki işlərinin saxlanması və dərc edilməsi səhifəsi bu andan etibarən işləməyəcək", - "Telegram"ın yaydığı məlumatda qeyd olunub.